Arrestohet shqiptari që ka hedhur fishekzjarre në stadium

Një numër sosh janë hedhur drejt fushës por për fat nuk është lënduar askush. Ndërkaq, njëri nga hedhësit e tyre, një shqiptar, është identifikuar dhe pastaj është arrestuar.

Lojës korrekte në fushë të gjelbër në ndeshjen Austri-Shqipëri, i ka hedhur hije hedhja e gjësendeve dhe shpërthimi i mjeteve piroteknike nga pjesa e tribunave ku ishin vendosur tifozët shqiptarë. Siç shkruan gazeta Kurier, masat e sigurimit kanë qenë të ashpra (me detektor metalesh) vetëm në hyrjen VIP dhe në atë për gazetarët.

Në pjesët tjera ka pasur vetëm kontrollim të zakonshëm, me prekje në trup, transmeton albinfo.ch. Kjo si duket u ka mundësuar disa tifozëve shqiptarë që të mund të marrin brenda stadiumit mjete piroteknike, të ndaluara. Një numër sosh janë hedhur drejt fushës por për fat nuk është lënduar askush. Ndërkaq, njëri nga hedhësit e tyre, një shqiptar, është identifikuar dhe pastaj është arrestuar.

Po ashtu nga pjesa shqiptare ka pasur fishkëllima me pipa të gjyqtarëve gjë që ka penguar udhëheqjen e lojës, përcjell albinfo.ch. As përpjekja e kapitenit të kombëtares, Lorik Cana përmes altoparlantit për të qetësuar ata tifozë, nuk ka pasur sukses, shkruan gazeta.

Nga 26.800 shikues, rreth 10 mijë kanë qenë shqiptarë shumica e madhe e të cilëve kanë anuar në mënyrë korrekte dhe i kanë dhënë gjallëri ndeshjes, thuhet më tutje.

Gazeta vë re se njëri nga tifozët ka arritur të fusë në stadium flamurin e “Shqipërisë së Madhe”, duke dëmtuar, siüas saj imazhin e mirë të publikut dhe ndeshjes./albinfo/