Arrestohet serbi që ushtroj dhunë ndaj gruas së tij
Gjilan – Në fshatin Kormijan i Epërm , Komuna e Ranillugut është arrestuar një qytetar serb pasiqë është konstatuar se ka shkaktuar dhunë familjare ndaj gruas së tij.
Ismet Hashani zëdhënës i policisë rajonale në Gjilan tha se policia në stacionin policor në Ranillug është informuar se në fshatin Kormijan i Epërm është një rast dhunë familjare.
Me ta marrë informatën njësitet policore me urgjencë kanë dalë në vendin e ngjarjes.
Nga hetimet e para mësohet se i dyshimti serb shtetas i Kosovës ka ushtruar dhunë ndaj gruas së tij duke i shkaktuar lëndime trupore tha Hashani.
Viktima është dërguar për tretmanë në ambulancën e fshatit Ranillug. I dyshimti është sjell në stacionin policor ku është intervistuar, ai ishte nën ndikim të alkoolit.
Me vendim të prokurorit të shtetit ndaj të dyshuarit është caktuar masa e ndalimit për 48 orë.Rasti është duke u hetuar nga njësite e policisë kundër dhunës në familje tha Hashani./rajonipress/