Arrestohet pronari i një auto shkolle

Gjilan – Në Qendrën e Testimit për patentë shofer, në Gjilan, Prokuroria Themelore në Gjilan kohë më parë ka lëshuar një Autorizim me anë të cilit ka autorizuar Policinë e Kosovë njësitet hetuese këtu në Gjilan, që të ndërmarrin veprime hetimore në drejtim të zbulimit dhe identifikimit të personave të përfshirë në Qendrën e Testimit të Patentë Shoferëve ku disa kandidatëve të cilët i janë nënshtruar testit me shkrim i janë zënë dhe konfiskuar pajisje të vendosura në trup si mikro kamera dhe dëgjuese.

Gjatë zhvillimit të hetimeve lidhur me këtë çështje janë zhvilluar edhe masat e fshehta ku më datën 14 shtator 2017 është arrestuar i dyshuari shqiptar shtetas i Kosovës (pronar i një Auto shkolle në Gjilan) dhe pasi është marrë në pyetje në prani të mbrojtësit ligjor në Prokurorinë Themelore në Gjilan, të njëjtit i është lëshuar vendimi mbi ndalimin për 48 orë. Rasti është duke u hetuar njoftoj Ismet Hashani./rajonipress/