Arrestohet personi i kërkuar në bazë të urdhëresës së Gjykatës Themelore në Gjilan

Gjilan – Drejtoria Rajonale e Policisë, Stacioni policor në Gjilan sot pasi ka pranuar një informacion përmes rrugëve operative, ka arritur që të arrestojë në një kafiteri këtu në Gjilan të dyshuarin e kërkuar B.A( i lindur më 1980).

I arrestuari kërkohej në bazë të urdhëresës së Gjykatës Themelore në Gjilan me numër PED. nr.112/18 i dënuar me burg efektiv 1 vit e 6 muaj.

Pas kompletimit të dokumentacionit, i njëjti është dërguar në vuajtje të dënimit. Drejtoria Rajonale e Policisë në Gjilan, do të vazhdojë me realizimin e urdhëresave të gjykatës ndaj personave që nuk iu kanë përgjigjur thirrjes së gjykatës./rajonipress/