Arrestohet personi i kërkuar me urdhëresë të Gjykatës

Gjilan – Drejtoria Rajonale e Policisë në Gjilan me datën 22.08.2022 në kuadër të planit operativ për realizim të urdhëresave gjyqësore ka arrestuar personin e kërkuar Shqiptar Kosovar H.Q. (1987). Ai ishte i kërkuar në bazë të urdhëresës së lëshuar nga Gjykata Themelore në Gjilan për veprat penale “Blerja, posedimi, shpërndarja dhe shitja e pa autorizuar e narkotikëve, substancave psikotrope ose analoge” dhe “Mbajtje në pronësi, kontrolle ose posedim të paautorizuar të armëve” me dënim burgimi prej një (1) vit, dy (2) muaj e pesëmbëdhjetë (15) ditë.

Pas kompletimit të dokumentacionit i njëjti është dërguar në vuajtje të dënimit.
Drejtoria Rajonale e Policisë në Gjilan do të vazhdojë me realizimin e urdhëresave ndaj personave që ende nuk i janë përgjigjur thirrjes së gjykatave.

Ftojmë qytetarët të bashkëpunojnë me policinë dhe nëse kanë informacione për personat që janë të kërkuar nga organet e rendit, të njoftojnë menjëherë Stacionin më të afërt./rajonipress/

Shpërndaje.
© RAJONIPRESS