Arrestohet për armëmbajtje pa leje

Gjilan – Të enjten rreth orës 03:15 Policia e Kosovës në Gjilan nga burime operative kanë pranuar një informatë se një person, dyshohet se mban armë në brez, dhe ndodhet në restorantin “Adriatiku” në rrugën e fshatit Perlepnicë.

Njësitet reaguese të policisë së Kosovës nga stacioni policor i Gjilanit me urgjencë kanë dal në vendin e ngjarjes. Është kontaktuar personi për të cilin dyshohej se posedonte armën e zjarrit, i njëjti ka pranuar se kishte në trupin e tij armën e zjarrit të llojit: Zastava, kalibri 7.65, me një karikator në të cilin ka pasur tre copë fishek, arma dhe municioni janë konfiskuar nga ana e Policisë.

I dyshuari është arrestuar dhe sjell në stacionin policor. Të njëjtit i është bërë matja e prezencës së alkoolit në gjak ku ka rezultuar të jetë 1.78 promila.

Me vendim të prokurorit të shtetit për krime të rënda, ndaj të dyshuarit është vënë masa e ndalimit policor për 48 orë, nën akuzën për “Mbajtje në pronësi, kontroll ose posedim të paautorizuar të armëve”, njoftoj Ismet Hashani./rajonipress/