Arrestohet një serb, ofendon policët e Kosovës

Gjilan – Në stacionin policor në Ranillug ka ardhur një i dyshuar serb, shtetas i Kosovës, që të informohet lidhur me një aksident, i cili kishte ndodhur po atë ditë dhe të pyes për një të afërm të tij njoftoj policia e Gjilanit.

I njëjti ka pasur një fjalosje të ashpër me oficerët policorë, ku më pastaj ka filluar t’i ofendojë policët dhe të mos i përfill urdhrat e tyre tha Ismet Hashani zëdhënës i policisë.

Më pastaj ai e ka goditur pa ndonjë arsye me kokë tavolinën disa herë dhe me atë rast i shkakton vetes lëndime të lehta në kokë dhe hundë.

Menjëherë është vënë nën kontroll, nga policia dhe është vërtetuar se ai ishte nën ndikim të alkoolit.

Në lidhje me këtë rast është njoftuar prokurori i shtetit i cili ka urdhëruar që i njëjti të ndalohet në mbajtje për 48 orë dhe të iniciohet rasti për veprën penale ‘pengim i personit zyrtar në kryerjen e detyrës zyrtare’./rajonipress/