Arrestohet një qytetar i Kamenicës, gjatë bastisjes i kapen municion e drogë

Gjilan – Policia e Kosovës është njoftuar se në një kafiteri në Kamenicë kishte ndodhur një incident. Njësitet patrulluese kanë dalë në vendin e ngjarjes dhe është vërejtur se automjeti i të dyshuarit Golf -1, me targa 06, kishte 5 vrima, ku dyshohet se janë nga arma e zjarrit.

Më 25.11.2015, në bazë të urdhëresës nga Gjykata, është kryer bastisja në shtëpinë dhe objektet përcjellëse të dyshuarit, ku janë gjetur një sasi e vogël municioni, po ashtu është gjetur dhe një substancë e dyshuara-Marihuan (22.6 gr), për cilën është njoftuar njësitë antidrogës, të cilët janë duke e hetuar rastin njoftoj Ismet Hashani.

Me vendim të prokurorit ndaj të dyshuarit shqiptar shtetas i Kosovës është hapur rast “Shkaktim i rrezikut të përgjithshëm”.

I dyshuari i kishte edhe 4 urdhëresa të Gjykatës dhe i njëjti është dërguar menjëherë në vuajtje të dënimit për shtatë (7) ditë./rajonipress/