Arrestohet një person në Viti për posedim të narkotikëve

Viti – Policia e Kosovës ka arrestuar një person të dyshuar për posedim të substancave narkotike në orët e vona të së hënës në qytetin e Vitisë.

Sipas raportit policor, rasti ka ndodhur më 12 maj 2026 rreth orës 23:30, kur gjatë një kontrolli tek i dyshuari mashkull kosovar është gjetur dhe sekuestruar një sasi prej 0.34 gramësh substancë e dyshuar narkotike e llojit marihuanë.

Pas arrestimit, i dyshuari është intervistuar nga organet kompetente, ndërsa në konsultim me prokurorin e rastit është liruar në procedurë të rregullt.

Policia ka bërë të ditur se substanca e sekuestruar është konfiskuar, ndërsa rasti do të trajtohet në procedurë të mëtejme ligjore./rajonipress/