Arrestohet një i mitur për sulm që lidhet me protestën e fundit

Gjilan – Ankuesja shqiptare kishte raportuar se deri sa ishte duke mbajtur një fjalim në protestën e cila ishte duke u mbajtur me 11 nëntor 2017, një person i panjohur ka tentuar ta sulmojë, mirëpo është ndaluar nga disa pjesëmarrës të protestës. Janë intervistuar disa dëshmitarë, ishte njoftuar prokurori kujdestar dhe në mungesë të personit të dyshuar, rasti i referohet njësive hetuese.

Raport shtesë

Nga rrjeti social ,,Facebook” në faqen e një radioje lokale me 13 nëntor 2017 është siguruar një video incizim ku është identifikuar i mituri shqiptar (2001) i dyshuar për veprën e cilësuar si “Sulm”.

Gjatë intervistimit në prani të avokatit mbrojtës dhe prindit të tij i mituri deklaroi se në ditën kritike ai ka qenë në qytet së bashku me prindin e tij dhe tek platoja ku mbahej protesta, ai ishte afruar dhe për një moment kishte parë një femër duke lexuar një letër dhe sipas tij ai ishte i revoltuar me fjalimin e saj dhe ishte nisur që t’ia marrë letrën prej dorës, e jo për ta sulmuar, por nuk kishte arritur t’ia marrë letrën pasi ishte penguar nga pjesëmarrësit që ishin prezent.

Pas intervistimit prokurori i shtetit të miturit të dyshuar i lëshoi vendimin mbi ndalimin për 24 orë. Rasti procedohet në prokurori njoftoj Ismet Hashani./rajonipress/