Arrestohet një gjilanas për posedim të substancave narkotike

Gjilan – Në rrugën “Pajazit Ahmeti” në Gjilan Policia e Kosovës, hetuesit anti Drogë nga shtabi qendror që veprojnë në Gjilan pas hetimit të bërë kanë ndalur personin e dyshuar shqiptar, ku gjatë kontrollimit i janë gjetur dhe sekuestruar pesë (5) paketime të vogla me substancë narkotike të dyshuar e llojit Marihuan.

I dyshuari është shoqëruar në stacionin policor dhe është intervistuar në prezencë të avokatëve mbrojtës.

Substancës narkotike iu është bërë testi fushor ku ka rezultuar pozitiv në Marihuane me peshë të përgjithshme 1.9 gram.

Lidhur me rastin në cilësi të provave materiale janë sekuestruar edhe 439€ dhe vetura Opel Corsa me targa 06.

Lidhur me rastin është njoftuar prokurori i shtetit i cili ka urdhëruar ndalimin e personit për 48 orë, dhe lënda i dorëzohet PTHDKR- Gjilan për hetime të mëtutjeshme ka njoftuar Ismet Hashani./rajonipress/