Arrestohet kosovari i ndjekur për vrasje: E pret dënimi i përjetshëm në Sued

Ai tash po qëndron në burgun për ekstradim, në Munih, ndërsa pas ekstradimit, në Suedi atë e pret dënimi me burg të përjetshëm.

Është arrestuar të shtunën që shkoi në Aeroportin e Munihut një person që ndiqej me fletarrest ndërkombëtar. I arrestuari, një shtetas kosovar i moshës 22 vjeçare është i dyshuar për vrasjen e një personi, të kryer në Suedi së bashku me një person tjetër, shkruan merkur.de. Vrasja kishte ndodhur nga fundi i tetorit të këtij viti në qytetin bregdetar të Suedisë, Helsingborg, transmeton albinfo.ch. Ai akuzohet se ka shtënë disa herë me revole mbi viktimën.

Autoritetet suedeze konsiderojnë se i dyshuari , menjëherë pas krimit kishte ikur nga vendi i ngjarjes dhe se ishte fshehur në ndonjë vend të BE-së. Vetëm një javë pas ngritjes së fletarrestit, i dyshuari u arrit të kapet.

Pas aterrimit në aeroportin e Munihut ku kishte ardhur nga Kosova, ai u lidh dhe u transportua në burg, ai tash po qëndron në burgun për ekstradim, në Munih ndërsa pas ekstradimit, në Suedi atë e pret dënimi me burg të përjetshëm.

http://www.albinfo.ch/arrestohet-kosovari-ndjekur-per-vrasje-e-pret-denimi-perjetshem-ne-suedi/