Arrestohet kosovari i kërkuar me fletarrest ndërkombëtar

Një shtetas 21 vjeçar i Kosovës, i kërkuar me fletarrest ndërkombëtar për shkak të një grabitjeje të rëndë të kryer në Kosovë, është kapur në Linz të Austrisë.

Policia bën të ditur se ai është gjetur dhe arrestuar në një lokal të ushqimit të shpejtë në këtë qytet.

Rreth orës 21.45 të të enjtes, me rastin e një kontrollimi rutinor të personave, policët e landit Oberösterreich kanë identifikuar kosovarin e përmendur.

Pas kontrollimit të detajuar, ata kanë gjetur te ai dhe e kanë konfiskuar, një letërnjoftimi të falsifikuar slloven, shkruan orf.at.

Me urdhrin e Prokurorisë Shtetërore personi i kërkuar është dorëzuar në burgun e Linzit.