Arrestohet Meriton Bekteshi i dyshuar për zjarrëvenie
RajoniPress
18:29, 2 Mars, 2023
Gjilan – Drejtoria Rajonale e Policisë Gjilan, Njësiti i Hetimeve Rajonale Gjilan sot me datën 02.03.2023 ka arrestuar të dyshuarin M.B. (viti i lindjes 1978, mashkull kosovar). Arrestimi i tij është bërë në bazë të një urdhër ndalimi policor gjatë tentativës së tij për të kaluar në një pikë kufitare. M.B. ishte i kërkuar në bazë të dyshimit se ka qenë i përfshirë në kryerjen e veprës penale “Zjarrvënje”, rast i ndodhur me datën 09.08.2022 në një lokal biznesi (shitore) të pajisjeve elektrike në Gjilan.
Pas arrestimit i dyshuari është intervistuar në prani të avokatit mbrojtës.
Me vendim të Prokurorit të Shtetit i dyshuari është ndaluar në mbajtje për 48 orë për të vazhduar me procedura të mëtejme ligjore njoftoi policia e Kosovës.
Sipas burimeve tona brenda policisë dhe prokurorisë i arrestuari është Meriton Bekteshi.
/rajonipress/
