Arrestohet i dyshuari për vrasjen e Bakush Veselit, Prokuroria e rezervuar rreth detajeve?

Gjilan – Prokuroria Themelore në Gjilan, Departamenti për Krime të Rënda, ju njofton se ka ndaluar edhe një person, me inicialet L.J., pasi dyshohet se ka qenë i përfshirë në vrasjen, e cila ka ndodhur më 12 Shtator 2021, në Gjilan, ku me armë zjarri është privuar nga jeta tani i ndjeri Bakush Veseli.

Ndaj të njëjtit, Prokuroria Themelore në Gjilan, brenda afatit ligjor do të kërkojë masën për sigurimin e të pandehurit në procedurë penale, pasi dyshohet se ka kryer veprën penale “Vrasja e rëndë”.

Për këtë rast, me kërkesë të prokurorisë, të pandehurit Faton Osmani, Gëzim Bajrami dhe Irfan Veseli, gjenden nën masën e paraburgimit.

Edhe pse rasti ka ndodhur në shtator të vitit 2021, Prokuroria e Gjilanit përmes zëdhënëses së saj Liridona Xheladini është treguar shumë e “kujdesshme” në njoftimin e saj duke e ruajtur me çdo kush emrin e të dyshuarit, edhe pse në kualifikimin e veprës thuhet se ai ka kryer veprën penale “Vrasja e rëndë”.

Madje Liridona Xheladini as që ka guxuar ta hap telefonin nga frika se mos po “zbulon” ndonjë të dhënë shtesë, edhe pse misioni dhe detyra e saj është komunikimi me media./rajonipress/