Arrestohet i dyshuari për tentim vrasje

Gjilan – Më 31 janar 2021 rreth orës 23:38, policia e Kosovës në Gjilan ishte informuar se janë dëgjuar të shtëna me armë në Rrugën “N.Tereza” këtu në Gjilan. Njësitet patrulluese me urgjencë i janë përgjigje rastit duke dalë në vendin e ngjarjes. Nga hetimet e para është mësuar se i dyshimti E. R. (1999) i është afruar veturës Golf me tabela 01 në të cilën ndodheshin dy persona, dyshohet se i dyshimti ka shkrep nga arma pistoletë dy herë duke goditur viktimën H. H. (2000) në këmbë.

Viktima urgjent është dërgua për tretman në Spitalin Rajonal të Gjilanit fatmirësisht jashtë rrezikut për jetë.

I dyshimti arrin të shmanget arrestimit për momentin duke u largu në drejtim të pa njohur.

Pas një pune hetimore operative me 10 shkurt 2021, rreth orës 10:15 është arrestuar nga policia e Kosovës njësitet e hetimeve Rajonale i dyshimti i lartcekur.

I njëjti është intervistuar në prezencën e avokatit mbrojtës.

Janë gjete prova të qëndrueshme se i njëjti është i involvuar në Veprën penale “Tentim vrasje”.

Njësiti i krimteknikës ka konfiskuar në cilësinë e provës materiale, një pistoletë të llojit Zoraki M 906-B, me një karikator të të njëjtës armë.

Prokurori i shtetit ka lëshuar vendim mbi ndalim policor për 48 orë për veprën penale “vrasje në tentativë”. Rasti procedohet në Prokurorinë Themelore njoftoj Ismet Hashani./rajonipress/