Arrestohet i dyshuari për raste të vjedhjeve dhe dëmtimeve të pasurisë

Gjilan – Njësiti i hetimeve të Stacionit Policor Kamenicë me datën 31.08.2023 si rezultat i një pune mirë të organizuar operacionale dhe veprimeve hetimore ka arritur që të arrestojë dy të dyshuarin T.M. (viti i lindjes 1997, mashkull kosovar shqiptar).

Arrestimi i tij është bërë pasi që janë gjetur prova se i njëjti ka qenë i përfshirë së paku në tri raste të veprave penale si “Vjedhje” dhe “Dëmtim i pasurisë” raste të cilat kanë ndodhur gjatë muajve korrik dhe gusht në qytetin e Kamenicës.

Intervistimi i të dyshuarit është bërë në prezencë të avokatit mbrojtës dhe ndaj tij prokurori i shtetit ka lëshuar masën e ndalimit për 48 orë njoftoi Ismet Hashani./rajonipress/