Arrestohet i dyshuari për posedim të pa autorizuar të substancave narkotike

Gjilan – Drejtoria Rajonale e Policisë Gjilan, Njësiti për Reagim të Shpejtë me datën 16.08.2022 gjatë një kontrolli rutinor ka ndaluar personin dyshuar Shqiptar Kosovar O.B. (1988) tek i cili janë gjetur tri qese të mbushura me substancë të dyshuar narkotike e llojit Marihuan në sasi prej 1.9 gram.

Substanca e dyshuar narkotike është konfiskuar nga i dyshuari për procedim të mëtejmë ligjor.

I dyshuari është arrestuar dhe intervistuar në prani të avokatit mbrojtës.
Në lidhje me rastin është njoftuar Prokurori i Shtetit i cili ka urdhëruar që rasti me Kallëzim Penal “Posedimi i paautorizuar i substancave narkotike, psikotrope dhe analoge” të procedohet për në Prokurorinë Themelore Gjilan, ndërsa i dyshuari të lirohet në procedurë të rregullt njoftoi policia e Gjilanit./rajonipress/

Shpërndaje.
© RAJONIPRESS