Arrestohet i dyshuari për organizim të skemave piramidale dhe bixhozit të pa ligjshëm

Gjilan – Drejtoria Rajonale Gjilan, Njësiti i Hetimeve të Stacionit Policor Kamenicë me datën 19.08.2022 përmes rrugëve operative ka pranuar informatë se në një lagje të qytetit të Kamenicës dyshohet se është duke operuar një lokal me lojëra të fatit.

Njësiti i Hetimeve të Stacionit Policor Kamenicë në koordinim të plotë me Prokurorin e Shtetit dhe Gjyqtarin e Procedurës Paraprake së bashku me njësitet e tjera relevante kanë kontrolluar lokalin (shtëpinë) e të dyshuarit Kosovar Shqiptar P.G. (1994).

Gjatë kontrollit janë gjetur dhe sekuestruar: një (1) tavolinë pokeri, disa pajisje për lojëra të fatit, letra bixhozi si dhe një sasi e konsiderueshme e alkoolit pa dokumentacion përcjellës.

Provat materiale të gjetura janë konfiskuar nga ana e Inspektorëve përkatës si dëshmi për Gjykatën.

I dyshuari është arrestuar dhe intervistuar në bazë të procedurave ligjore.
Me urdhër të Prokurorit të Shtetit i dyshuari është ndalur në mbajtje për 48 orë dhe rasti me kallëzim penal ,”Organizim i skemave piramidale dhe bixhozit të paligjshëm” procedohet për në Prokurorinë Themelore në Gjilan njoftoi Ismet Hashani./rajonipress/

Shpërndaje.
© RAJONIPRESS