Gjilan – Policia e Kosovës stacioni policor në Gjilan është informuar se me 18.01.2022 i dyshimti F.L. duke e vënë në lajthitje dhe mashtruar, nga pala ankuese ka marr (blerë) një makinë punues (eskavator) pa e kryer obligimin e pagesës. Njësiti i hetimeve pas veprimeve mirë të organizuara policore ka arritur në vend të ngjarjes, në fshatin Zhegovc – Gjilan dhe kanë arrestuar të dyshuarin F.L. (1983)nga një fshat i komunës Drenasit.
I dyshuari është intervistuar në prezencë të avokatit mbrojtës dhe me vendim të Prokurorit të Shtetit ndalohet për 48 orë.
I lartcekuri dyshohet se është i involvuar edhe në shumë raste të veprave penale Mashtrim, dhe i njëjti ishte në kërkim policor. Rasti nën hetime njoftoi Ismet Hashani./rajonipress/
