Viti – Drejtoria Rajonale e Policisë Gjilan, Njësiti i Hetimeve të Stacionit Policor Viti në bashkëveprim me njësitet të tjera policore me urdhërese të Gjyqtarit të procedurës paraprake ka realizuar një kontrollë në shtëpinë dhe objektet përcjellëse të të dyshuarit kosovar shqiptar F.I. (1964) nga fshati Smirë.
Gjatë kontrollit janë gjetur dhe konfiskuar si dëshmi materiale për Gjykatën:
• Një (1) pushkë gjysmë automatike e kalibrit 12 mm.
• Një (1) pushkë gjuetie me pompim e kalibrit 12 mm.
• Një (1) pushkë ajrore e tipit Retaty-70 4mm.
I dyshuari është arrestuar dhe intervistuar në bazë të procedurave ligjore.
Në lidhje me rastin është njoftuar Prokurori i Shtetit i cili ka urdhëruar që ndaj të dyshuarit të ngritët kallëzim penal për veprat penale “Mbajtje në pronësi, kontrollë ose posedim të paautorizuar të armëve” dhe rasti të procedohet në procedurë të rregullt në prokurori njoftoi Ismet Hashani./rajonipress
