Arrestohet i dyshuari për armëmbajtje pa leje

Gjilan – Me datën 21.02.2024 rreth orës 18:30 Stacioni Policor Viti përmes rrugëve operative ka pranuar informacion se në fshatin Budrikë e Epërme ka të shtëna me armë zjarri.

Njësitet policore relevante i janë përgjigjur rastit duke arritur që të identifikojnë lokacionin dhe të dyshuarin M.S. (viti i lindjes 1994, mashkull kosovar shqiptar) i cili është arrestuar dhe sjellë në Stacionin Policor në Viti.

I dyshuari dyshohet se me armë ka shti në ajër. Me këtë rast si provë materiale janë konfiskuar një (1) armë e llojit AK 47, një (1) karikator dhe njëzet e tri (23) gëzhoja të kalibrit 7.62 mm të cilat do të përdoren dëshmi për gjykatën.

Në lidhje me rastin është njoftuar Prokurori i shtetit i cili rastin e ka cilësuar “Mbajtja në pronësi, kontroll ose posedim të paautorizuar të armëve” dhe “Shkaktim i rrezikut të përgjithshëm”.

I dyshuari me urdhër të Prokurorit të shtetit është ndalur në mbajtje për 48 orë njoftoi policia e Gjilanit./rajonipress/