Arrestohet i dyshimti për “Falsifikim parash”

Gjilan – Policia e Kosovës përmes rrugëve operative ka pranua informata se një i dyshuar në veturën e tij ka para të falsifikuara. Menjëherë kanë reaguar njësitet patrulluese të stacionit policor në Gjilan. Është arritur të ndalet vetura, të cilën e drejtonte B.B. (1983) me vendbanim në Prishtinë.

Gjatë kontrollit, të dyshimtit i janë gjetur një sasi e monedhave metalike në vlerë 220 euro të metalta, si dhe një sasi e konsiderueshëm e pakove të cigareve. Me vendim të prokurorit është bastisë shtëpia e të dyshimtit në Prishtinë ku po ashtu janë konfiskuar një sasi e konsiderueshme cigaresh të llojeve të ndryshme, ku dyshohet se janë blerë me para të falsifikuara.

Lidhur me rastin policia ka arrestuar tre të dyshimtë dhe janë intervistuar në prani të avokatit mbrojtës, ku i dyshimti B.B. ndalet për 48 orë, ndërsa dy të dyshimtit tjerë lidhur me këtë rast lirohen në proceduar të rregullt. Rasti procedohet në Prokurorinë Themelore njoftoi Ismet Hashani./rajonipress/

Shpërndaje.
© RAJONIPRESS