Arrestohet gjilanasi për falsifikim të dokumenteve pronësore

Gjilan – Policia e Kosovës, njësitet e Krimeve Ekonomike, nga shtabi qendror që veprojnë ne Rajonin e Gjilanit me urdhër të Prokurorit të shtetit kanë arrestuar të dyshuarin shqiptar mbi bazën e dyshimit të bazuar sepse ai gjatë vitit 2012 kishte kryer Veprat Penale “Falsifikim i dokumentit dhe Mashtrimit”.

I dyshuari sipas policisë në mënyrë të kundërligjshme kishte arritur të nxjerrë certifikatën e pasurisë së paluajtshme e cila evidentohej në emër tani të ndjerit serb në sipërfaqe 76035 m² dhe është prezantuar rrejshëm si pronar legjitim i kësaj pasurie duke arritur që këto prona t`i shesë personave të tretë, duke përfituar materialisht në mënyrë të kundërligjshme.

Prokurori ka lëshuar aktvendimin mbi ndalimin për 48 orë. Rasti është duke u hetuar njoftoj Ismet Hashani zëdhënës i policisë./rajonipress/