Arrestohet edhe një aktivist i Vetëvendosjes

Lëvizjës Vetëvendosje i është arrestuar edhe një aktivist. Lajmin e ka bërë të ditur vetë partia opozitare, e cila udhëhiqet nga Visar Ymeri, nëpërmjet faqes së saj zyrtare në Facebook.

“Policia e Kosovës ka arrestuar aktivistin Lirim Gashi, për të treguar edhe njëherë se është fund e krye në shërbim të pushtetit. Dhe kësisoji, po e ndihmon pushtetin ta shndërrojë Kosovën në një vend totalitar”, thuhet në njoftimin e Vetëvendosjes.

Sipas Vetëvendosjes, “aktivisti Gashi është arrestuar për shkak të pjesëmarrjes në aksionin e rrotullimit të xhipave të EULEX-it, aksion ky i vitit 2009”.