Arrestohet edhe i dyshuari i dytë për falsifikim të parave në Viti

Viti – Pas një pune intensive në teren nga Policia e Kosovës,njësia e hetimeve të stacionit policor në Viti në bashkëpunim me Njësitet hetuese të Policisë së Kosovës në Ferizaj, me 06 tetor 2016 kanë arrestuar të dyshimtin e dytë K.I.(1993) i cili dyshohet se në bashkë veprim me personin e arrestuar ditë më parë si i dyshuar kryesor për emetim (Shtypje) dhe shpërndarjen e monedhave të falsifikuara të cilët në bashkëveprim besohet të jenë të involvuar në së paku shtat raste të shpërndarjes së monedhave të falsifikuara në zonën e Vitisë.

Besohet se të njëjtit kanë vepruar edhe në shumë qytete tjera të Kosovës dhe jashtë vendit.

I dyshimti është intervistuar nga hetuesit policor në prezencë të avokatit mbrojtës ku janë gjetur dëshmi të qëndrueshme se ai është i përfshirë në këtë vepër penale.

Lidhur me rastin prokurori për krime të rënda ka urdhëruar ndaljen për 48 orë të tij.

Rasti është duke u hetuar njoftoj policia e Gjilanit. /rajonipress/