Arrestohet Bujar Beqiri i dyshuar për vrasjen e Fitim Shabanit

Gjilan – Avni Oruqi shef i sektorit të hetimeve regjionale në Gjilan tha për rajonipress se të enjten pas incidentit është arrestuar i dyshuari Bujar Beqiri (1962) nga Gjilani. Beqiri dyshohet se të enjten ka goditur dy herë me thikë viktimën Fitim Shabani i cili si pasojë e plagëve edhe ka vdekur në emergjencën e Gjilanit.

Policia ka arritur ta arrestojë të dyshuarin kryesor për vrasjen e Fitim Shabnait (1992) i cili vdiq të enjten nga dy plagë nga thika që përdori Bujar Beqiri.

Avni Oruqi shef i sektorit të hetimeve regjionale tha për rajonipress se i dyshuari është Bujar Beqiri (1962) nga Gjilani. Oruqi tha se i dyshuari është emër i njohur për policinë pasiqë në data bazën tonë ka të evidentuar mbi 57 vepra penale që lidhen me vjedhje dhe narkomani.

Edhe për viktimën Fitim Shabani policia thanë se ka qenë emër i njohur për hetuesit.

Ndryshe rajonipress ka informuar edhe të enjten për vdekjen e Fitim Shabanit (1992).

Imet Rrahmani mjeku kujdestar ka deklaruar se Shabani me vendbanim në lagjen “Arbëria” është sjellur në gjendje të rëndë në emergjencën e spitalit në Gjilan rreth orës 18.00, ku edhe për pasojë nga dy plagët e shkaktuara nga thika ka ndërruar jetë.

Rrahmani tha se viktima ka pasur dy plagë vdekjeprurëse në trup. /rajonipress/