Arrestohet boshnjaku që kishte vjedhur në fabrikën “Mega”

Gjilan – Policia e Kosovës në Gjilan është njoftuar se në fabrikën “Mega”, persona të panjohur në depon e fabrikës kishin arritur të vjedhin një aparat saldues, një elektromotor dhe disa kabllo nga makineritë e ndryshme që gjenden në fabrikë në vlerë të konsiderueshme.

Njësiti i hetimeve përmes rrugëve operative ka arritur të siguroj një informatë për të dyshuarin si kryes potencial i kësaj vepre. I dyshuari Boshnjak shtetas i Kosovës me 24 janar 2018 është intervistuar në prezencë të avokatit mbrojtës dhe janë gjetur fakte të qëndrueshme se ai e ka kryer këtë vepër dhe sendet e vjedhura i kishte shitur tek një depo për grumbullimin e mbeturinave.

Me vendim të lëshuar nga prokurori i dyshuari ndalet për 48 orë. Rasti procedohet në Gjykatë njoftoj Ismet Hashani./rajonipress/