Arrestohen tre persona për rrahjen e një punëtori të një kazinoje në Viti

Gjilan – Policia e Kosovës stacioni Policor në Viti ka poseduar një informacion përmes rrugëve operative, se në një kazino në Viti ka ndodhë një incident. Njësitet Policore me urgjencë kanë dalë në vend të ngjarjes dhe nga hetimet e para mësohet se, pas një mosmarrëveshje rreth një borxhi të mëhershëm ka ardhe deri te përleshja fizike, në mes të tre të dyshimtëve, dhe viktimës A. T. punëtor në kazino.

Dyshohet se i dyshuari Z.K. (1986) duke e ekspozuar armën i ka shkaktuar lëndim trupor duke e goditur me kondak të armës në kokë viktimën A.T. i cili ka kërkuar ndihmë mjekësore në Qendrën Emergjente Rajonale në Gjilan.

I dyshuari ka marre armën dhe është larguar së bashku me tre persona tjerë nga vendi i ngjarjes në drejtim të fshatit Dobelldeh.

Policia e Kosovës nga stacioni policor i Vitisë dhe një patroll e policisë kufitare rreth orës 02:00 i ka ndalur në udhëkryqin e fshatit Dobelldeh – Buzovik dhe të njëjtit i ka arrestuar dhe sjellur në Stacionin Policor në Viti, ku janë intervistuar tre në cilësinë e të dyshuarve gjersa një si dëshmitar.

Gjatë Kontrollit të automjetit është gjetur dhe konfiskuar një armë automatike (lloji i panjohur), që e mbante në pronësi Z.K.

Në konsultim me prokurorin e Shtetit të krimeve të rënda të dyshuarit Z.K. Shqiptar shtetas i Kosovës me banim në komunën e Suharekës, i caktohet masa e ndalimit policor prej 48 orëve, gjersa dy të dyshuar po ashtu Shqiptar shtetas të Kosovës me banim në Komunën e Deqanit janë liruar në procedurë të rregullt, gjersa ndaj tyre është ngrit kallëzim penal, “pjesëmarrje në rrahje, dhe shkaktim i lëndimit trupor.”

Rasti procedohet në Gjykatë./rajonipress/