Arrestohen dy të mitur për sulm fizik

Gjilan – Nga ana e Policisë së Kosovës në fshatin Lladovë të Gjilanit, janë arrestuar dy të dyshuarit e mitur, pasi që dyshohet se në bashkëveprim kanë sulmuar me mjete të forta (shkop druri) viktimën të miturin, të cilit i kanë shkaktuar lëndime trupore në kokë.

Si pasoj e lëndimeve viktima ka marrë edhe ndihmën mjekësore në Emergjencën e Spitalit Rajonal në Gjilan, ku pas marrjes së ndihmës së parë është liruar në shtëpi.

Të dyshuarit janë arrestuar dhe janë shoqëruar në lokalet e stacionit policor ku janë intervistuar në prezencën e prindërve dhe avokatëve mbrojtës.

Me vendim të Prokurorit të Shtetit njërit nga të dyshuarit besohet për shkak të gjendjes jo të mirë mendore është liruar në procedurë të rregullt, ndërsa i dyshuari tjetër është ndaluar në qendrën e mbajtjes për 24 (njëzetekatër) orë. Rasti në Prokurorinë Themelore njoftoj Ismet Hashani./rajonipress/