Arrestohen dy shqiptarë në Francë

Dy shqiptarë janë arrestuar nga policia franceze pas disa të shtënave me armë zjarri.

Ngjarja ka ndodhur në Grenoble të Francës, mbrëmjen e së mërkurës.

Sipas shtypit vendas, një patrullë policie dëgjoi të shtëna me armë dhe të bërtitura në një rrugë.

Kur shkoi në vendngjarje, pa katër burra dhe një turmë njerëzish që vraponin të frikësuar.
Në këtë moment, një nga katër personat qëlloi për herë të dytë me armë.

Menjëherë forcat e policisë u vunë në ndjekje të tyre, shkruan Alsat, përcjell Albinfo.ch.

Sapo panë autoritetet, katër të dyshuarit u larguan me makinë, ndërsa njëri prej pasagjerëve hodhi pistoletën nga dritarja.
Policia arriti të kapte dy prej tyre, ndërsa dy të tjerët u larguan në këmbë.

Të arrestuarit janë dy shqiptarë 18 dhe 28 vjeç. Nga të shtënat nuk raportohet për të lënduar, ndërsa po hetohen shkaqet e ngjarjes.

Arrestohen dy shqiptarë në Francë

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).