Arrestohen dy persona nga Policia e Kosovës të dyshuar për prerje ilegale të pyjeve

Gjilan – Në Artanë me 05.04.2022 rreth orës 20:00 Drejtoria Rajonale, Gjilan përkatësisht patrulla policore e Stacionit Policor të Novobërdës ka pranuar informatë se disa persona janë duke bërë prerje ilegale të pyjeve në pronën shoqërore në afërsi të fshatit Manishincë Komuna e Novobërdës.

Patrulla policore me urgjencë ka dalë në vendin e ngjarjes por për shkak të terrenit të pa përshtatshëm ka kërkuar mbështetje nga Njësitit Rajonal për Reagim të Shpejtë.

Është arritur që të arrestohen dy persona të dyshuar B.O. (2002) dhe A.O.(2003) me banim në fshatin Llabjan, Komuna Novobërdës të cilët me automjetet e ngarkuara me një masë drusore të cilat dyshohet se i kishin prerë në pronën shoqërore.

Masa drusore që dyshohet se është vjedhur është konfiskuar nga ana e autoritetit pyjore, ndërsa dy automjetet që besohet se janë përdorë për transport të kësaj mase drusore janë konfiskuar nga ana e policisë.

Është njoftuar prokurori i shtetit dhe rasti vazhdon të hetohet në procedurë të rregullt thuhet në njoftimin e Ismet Hashanit./rajonipress/