Arrestohen dy persona në Zhegër, policia konfiskon armatim të shumtë

Gjilan – Në fshatin Zhegër, të Gjilanit janë arrestuar dy të dyshuar meshkuj shqiptarë, pasi që të njëjtit kishin shtënë me armë zjarri. Në vendin e ngjarjes janë gjetur dhe konfiskuar 16 gëzhoja të kalibrit 9 mm, ndërsa në shtëpinë e të dyshuarve janë gjetur dhe konfiskuar një pushkë gjuetie, një pushkë ajrore, një pushkë karabinë, një armë automatike, dy pistoleta, dy shufra metalike, katër karikator, 1103 fishekë të kalibrave të ndryshme, 329 gëzhoja të kalibrave të ndryshme.

Me vendim të prokurorit, njëri nga të dyshuarit është dërguar në mbajtje, ndërsa tjetri është liruar në procedurë të rregullt njoftoi policia e Kosovës./rajonipress