Arrestohen 5 kosovarë: Po qëndronin dhe punonin në Zvicër në të zezë

Punëdhënësi i tyre ishte një shtetas 52 vjeçar i Maqedonisë së Veriut, banor i Kantonit Schwyz. Ndaj tij është ushtruar kallëzim penal në prokurori për punësim pa leje të të huajve.

Policia Kantonale e Cyrihut me rastin e një kontrollimi të bërë në një kantier ndërtimi në Richterswil ka arrestuar pesë persona, të gjithë shtetas kosovarë

Policët kantonalë mes orës 9 dhe 10 të mëngjesit të të enjtes kanë bërë kontrollimin e një kantieri ndërtimi në Richterswil të Cyrihut, shkruan kapo-zh.ch. Me atë rast ata kanë konstatuar se pesë burra që i janë nënshtruar kontrollimit, ndodheshin me qëndrim ilegal në Zvicër, transmeton albinfo.ch.

Ata po ashtu ishin duke punuar ilegalisht në kantierin në fjalë.

Pesë personat e arrestuar janë meshkuj të moshës 19 deri 33 vjeçare, të gjithë shtetas të Kosovës, transmeton albinfo.ch.

Punëdhënësi i tyre ishte një shtetas 52 vjeçar i Maqedonisë së Veriut, banor i Kantonit Schwyz. Ndaj tij është ushtruar kallëzim penal në prokurori për punësim pa leje të të huajve.

https://www.albinfo.ch/arrestohen-5-kosovare-po-qendronin-dhe-punonin-ne-zvicer-ne-te-zeze/