Arrestime të shumta në Gjilan, Kamenicë e Viti

Gjilan – Gjatë 24 orëve të fundit policia e Kosovës ka arritur të arrestojë disa persona në Gjilan, Kamenicë e Viti disa të dyshuar për lëndim trupor, e disa si persona të kërkuar nga Gjykata.

Në fshatin Koretinë të Kamenicës është arrestuar i dyshuari mashkull shqiptar pasi që i njëjti për shkak të një mosmarrëveshje ka sulmuar fizikisht viktimën, duke i shkaktuar lëndime të rënda trupore. Viktimës i është ofruar tretman mjekësor ndërsa i dyshuari pas intervistimit me urdhër të prokurorit është dërguar në mbajtje.

Edhe në Gjilan pas hetimeve të zhvilluara lidhur me rastin me 28.05.2015 janë arrestuar dy të dyshuar meshkuj shqiptarë, prej të cilëve njëri i mitur, i cili pas intervistimit është liruar, ndërsa tjetri i dyshuar dërgohet në mbajtje.

Kurse persona të kërkua5r nga Gjykata janë arrestuar më rrugën “Prishtinë-Gjilan”. Në bazë të urdhëresës së lëshuar nga Gjykata Themelore në Gjilan është arrestuar i dyshuari mashkull shqiptar dhe i njëjti dërgohet në vuajtje të dënimit në burgun e Gjilanit.

Edhe në fshatin Zhegër të Gjilanit në bazë të urdhëresës së lëshuar nga Gjykata Themelore në Gjilan është arrestuar i dyshuari mashkull shqiptar dhe i njëjti dërgohet në vuajtje të dënimit në burgun e Gjilanit.

Në fshatin Pozhoran të Vitisë në bazë të urdhëresës së lëshuar nga Gjykata Themelore në Gjilan, dega në Viti, është arrestuar i dyshuari mashkull shqiptar dhe i njëjti dërgohet në vuajtje të dënimit në burgun e Gjilanit.

Edhe në Aeroportin Ndërkombëtar të Prishtinës në bazë të urdhëresës është arrestuar i dyshuari mashkull shqiptar dhe i njëjti është dërguar në vuajtje të dënimit në burgun e Smrekonicës. /rajonipress/