Arrestime për drogë e armë në Gjilan

Gjilan – Në dy raste të ndara policia ka kapur në Gjilan drogë e armë. Në rastin e parë janë kapur dhe konfiskuar substanca narkotike në rrugën “Avdullah Presheva” kurse në rastin e dytë është konfiskuar një revole “Sig”.

Në rrugën “Avdullah Presheva” në Gjilan është arrestuar i dyshuari mashkull shqiptar pasi që gjatë kontrollimit tek i njëjti është gjetur dhe konfiskuar 2.1 gram substancë e dyshuar narkotike e llojit Marihuanë. Me urdhër të prokurorit i dyshuari lirohet në procedurë të rregullt njoftoj policia e Kosovës, raporton rajonipress.

Kurse në rastin e dytë në Gjilan është arrestuar i dyshuari mashkull shqiptar pasi që njësiti policor gjatë kontrollit rutinor në veturën që ishte duke e drejtuar i dyshuari ka gjetur dhe konfiskuar një revole “Sig”të kalibrit 9 mm si dhe pesë fishek.

Me urdhër të prokurorit i dyshuari lirohet në procedurë të rregullt./rajonipress/