Gjilan – Në fshatin Llabjan, të Novobërdës gjatë një bastisje policia nga i dyshuari mashkull kosovar është konfiskuar një pushkë gjuetie, një pistoletë dhe 33 fishekë. Me vendim të prokurorit rasti shkon në procedurë të rregullt.
Edhe në fshatin Ponesh, të Gjilanit është arrestuar i dyshuari mashkull kosovar, pasi që gjatë kontrollit të shtëpisë në lidhje me një rast tjetër është gjetur një foto në të cilën i dyshuari shihej se posedonte një AK 47, për të cilën i dyshuari pohon se e ka shkatërruar dhe e ka gjuajtur në pendën e Livoqit. Në lidhje me rastin është konsultuar prokurori i shtetit me vendim të së cilit i dyshuari pas intervistimit është dërguar në mbajtje njoftoi policia e Kosovës./rajonipress/
