Arrestime në Viti, Gjilan e Artanë

Gjilan – Në Viti një shqiptar është arrestuar pasiqë i është konfiskuar një pistoletë, ndërsa në Gjilan e Artanë janë arrestuar dy të dyshuar të kërkuar nga Gjykata.

Në Viti është arrestuar një shqiptar për armëmbajtje pa leje në rrugën “28 Nëntori”. Sipas policisë është arrestuar i dyshuari mashkull shqiptar, pasi që gjatë kontrollit tek i njëjti është gjetur dhe konfiskuar një armë-pistoletë “Ekol Special 99” me një karikator të zbrazët. Me urdhër të prokurorit pas intervistimit i dyshuari lirohet në procedurë të rregullt.

Kurse në rrugën “Idriz Seferi”, në Gjilan në bazë të disa urdhëresave të lëshuara nga Gjykata Themelore në Gjilan është arrestuar i dyshuari mashkull shqiptar dhe i njëjti dërgohet në vuajtje të dënimit në burgun e Gjilanit në kohëzgjatje prej gjashtë ditëve.

Edhe në fshatin Tullar, të Novobërdës në bazë të disa urdhëresave të lëshuara nga Gjykata Themelore në Gjilan është arrestuar i dyshuari mashkull shqiptar dhe i njëjti dërgohet në vuajtje të dënimit në burgun e Gjilanit në kohëzgjatje prej 13 ditëve./rajonipress/