Arrestime në Gjilan e Ranilluk
Gjilan – Në Malishevë të Gjilanit policia e ka arrestuar një person për posedim të substancave narkotike kurse në Ranilluk një serb është arrestuar për dhunë familjare.
Në fshatin Malishevë, të Gjilanit është arrestuar i dyshuari mashkull shqiptar, pasi që gjatë kontrollit te i njëjti është gjetur dhe konfiskuar sasi e dyshuar narkotike e llojit marihuanë me peshë 1.2 gram.
Me urdhër të prokurorit, i dyshuari pas intervistimit është liruar në procedurë të rregullt.
Edhe në Ranilluk është arrestuar i dyshuari mashkull serb, i cili e kishte sulmuar fizikisht bashkëshorten e tij.
Viktima kishte pësuar lëndime trupore dhe ka pranuar tretman mjekësor. Pas intervistimit i dyshuari me vendim të prokurorit, është dërguar në mbajtje njoftoj policia e Kosovës./rajonipress/