Arrest shtëpiak për drejtorin e ndërmarrjes “Eco – Higjiena”

Gjilan – Gjykata Themelore në Gjilan ka vendosur masën e arrestit shtëpiak prej një (1 muaji) ndaj të pandehurit Senad Ramaj. Personi në fjalë në cilësinë e Drejtorit Ekzekutiv në ndërmarrjen “Eco – Higjiena” në Gjilan, dyshohet se ka përpiluar dhe falsifikuar vendimin për formimin e komisionit për vlerësimin dhe shitjen e aseteve, të cilat asete janë shitur pa u vlerësuar dhe pa kurrfarë kriteri.

Ai dyshohet se ka kryer dy vepra penale: falsifikim i dokumentit zyrtar dhe keqpërdorimi i detyrës zyrtare apo autoritetit zyrtar.

Gjithashtu gjykata ka vendosur që të njëjtit të i konfiskohet edhe dokumenti i udhëtimit pasaporta.

Palët gëzojnë të drejtën e kontestimit të këtij Aktvendimi në Gjykatën e Apelit thuhet në njoftimin e Gjykatës së Gjilanit./rajonipress/