Arrat reduktojnë kolesterolin më mirë se ilaçet

Një studim i ri zbulon që konsumimi i një grushti me arra ofron mbrojtje të menjëhershme nga sëmundjet e zemrës. Konsumimi i rregullt ofron mbrojtje afatgjatë. Shkencëtarët kanë vërejtur përmirësim të dukshëm të nivelit të kolesterolit dhe fleksibilitetit të enëve të gjakut, që ndihmon në rrjedhën e mirë të gjakut, vetëm katër orë pasi që njerëzit kanë konsumuar arra ose vaj të arrave.

Studimi zbulon që konsumimi i rregullt në afat të gjatë ka mbrojtur nga sëmundjet kardiovaskulare. “Vetëm një grusht me arra katër ditë në javë mundet ta reduktojë dukshëm rrezikun nga sëmundjet e zemrës”, ka thënë Dr. Penny Kris-Etherton, profesoreshë e nutricionizmit në ‘Penn State University’ në Pensilvani.

Vaji i arrave është treguar veçanërisht mirë për ruajtje të funksionit të qelizave endoteliale. Bëhet fjalë për qelizat që mbështjellin enët e gjakut dhe luajnë rol të rëndësishëm në fleksibilitetin e tyre. Arrat përmbajnë acide yndyrore Omega-3, sterole bimore dhe vitaminë E, e të gjitha këto e ulin kolesterolin dhe mbrojnë enët e gjakut.

(Kosova Sot)