Aro Muriç pranë kalimit te Burnley
Portieri i Kombëtares së Kosovës, Arijanet Muric, është shumë pranë transferimit te Burnley që drejtohet nga legjenda belge dhe e Manchester City-t, Vincent Kompany.
Aktualisht nën pronësi të City-t, Muriç do i kushtojë 3 milionë paund skuadrës që këtë sezon ra nga Premier League, raporton “Sportmail”.
23-vjeçari është në detajet e fundit me klubin që po synon rikthimin e menjëhershëm në elitën e futbollit anglez.
Kompany ishte njeriu që bindi Muriçin të arrinte një marrëveshje transferimi me Burnley-n.
Pas disa huazimeve te skuadra si Nottingham Forest, Girona, Willem II, Muriç ishte protagonist i një sezoni të madh me turqit e Adana Demirspor.
Me skuadrën turke, portieri dardan u paraqit në 32 ndeshje në sezonin e fundit, teksa në 10 raste e mbajti portën të paprekur.