Arnoldi shqiptar fitoi titullin e Evropës në boks

Boksieri shqiptaro-zviceran, i lindur në Gjakovë, Arnold Gjergjaj ka fituar luftën më të vështirë në karrierën e tij, me KO në rundin e nëntë, kundër boshnjakut Adnan Redzoviq dhe rrjedhimisht tash e tutje mbanë titullin Kampion Evropian të versionit EBU-EE (European External European Union).

Para fillimit të këtij meçi, i cili u zhvillua të shtunën mbrëma në Basel të Zvicrës, në matjet zyrtare Gjergjaj doli të jetë 105.9 kg, ndërsa Adnan Redzoviq ishte diç më i rëndë, 107.4 kg.

Terminatori shqiptar, Arnold Gjergjaj tashmë numëron 26 fitore, 20 nga to të fituara me nokaut (KO), dhe nuk njeh asnjë humbje.