Armina Mevlani: Dua të bëj shumë fëmijë

Armina Mevlani, e dashura e djalit të ish-kryeministrit, Shkëlzen Berisha, thotë se ka biseduar me Shkëlzenin për martesën.

Ajo thotë se do presë të flasë vetë koha.

E pyetur nga Bluetooth se kur do bëjë fëmijën e parë, ajo thotë: “Në këtë pikë jam tradicionale dhe gjithmonë kam dashur t’i bëj gjërat në kohën e duhur. Fillimisht të shijoj lidhjen dhe të njoh partnerin për disa vite, më pas të bashkëjetoj me të, më pas janë hapat e tjerë si fejesa, martesa dhe ardhja në jetë e fëmijëve. Kam shumë dëshirë që fëmijët të vijnë në jetë pasi të martohem dhe të kem krijuar një bazë të fortë për ta, një familje solide dhe të sigurt, e këtë gjë e krijon vetëm koha para se të merren vendime të rëndësishme. Kohën e kemi para, nuk ka asgjë për të nxituar. Por më duhet ta pohoj që kam dëshirë të kem një familje të madhe me shumë fëmijë dhe me të gjithë të afërmit tonë në krah”.