Armend Thaqi: Në Gjakovë nuk do të jetë lehtë, por do t’ia dalim

Gjilan – Ndeshja në mes, Vëllaznimit dhe Gjilanit e cila zhvillohet në qytetin e Gjakovës, për dy skuadrat do të jetë vendimtare pasiqë nuk ka vend për kalkulime duke ditur se zhvillohet ndeshja e fundit e këtij kampionati.

Futbollistëve të Gjilanit përpos fitores eventuale ju bën punë edhe barazimi, për t`iu shmangur ndeshjes së barazhit.

Skuadra e Gjilanit, gjatë tërë javës është përgatitur për këtë sfidë të rëndësishme së paku për të shpëtuar këtë kampionat.

Futbollisti i Përfaqësueses së Kosovës dhe futbollisti më i mirë i Gjilanit, mbrojtësi i djathtë Armend Thaqi, para kësaj ndeshje të rëndësishme ka deklaruar.
“Do të jetë një ndeshje shumë e madhe, e kjo ndeshje e ka peshën e një kampionati, do të jetë një atmosferë fantastike si nga ana e “kuq e zinjëve” të Gjakovës, një ashtu aty patjetër do të jetë edhe futbollisti ynë i 12-të “Skifterat”. Ne do të angazhohemi maksimalisht, e dimë se nuk është lehtë por në ndeshjet vendimtare duhet të jepet më e mira që e posedon, duhet ta tejkalojmë edhe këtë sfidë e t`i përmirësojmë ato gabime që na kanë kushtuar shumë dhe jemi në këtë pozitë”, ka përfunduar Armend Thaqi.

Armend Thaqi, është futbollisti i cili më së shumti gjatë 32 javëve ka dhënë kontribut për rezultatet e Gjilanit e këtë më së miri e kanë vlerësuar edhe tifozë “Skifterat”, si dhe ish Përzgjedhësi i Kosovës, Muharrem Sahiti kur e kishte ftuar në Përfaqësuesen e Kosovës./rajonipress/