Armend Thaqi i siguron tri pikë Gjilanit

Gjilan – Në javën e 22-të, të Superligës së Kosovës e cila njeherit ishte e fundit e rrethit të dytë. Gjilani me mund të madh ka mposhtur Vllazninë e Pozheranit me rezultat 1-0 me golin e mbrojtësit Armend Thaqi.

Në praninë e rreth 400 shikuesve, Gjilani nga rëndësia e pikëve nuk ka treguar futboll cilësor ndërsa mysafirët me këtë humbje kanë vështirësuar edhe më tepër mbijetesën në Superligë.

Mysafirët në pjesën e parë shumë lehtë kanë mundur të dënojnë skuadrën e Gjilanit në dy rastet ishte Bergin Maliqi së pari në minutën e 13-të,nga 27 metra godet horizontalen e Gjilanasve, ndërsa në minutën e 22-të gjuan nga 22 metra nga e majta por topi shkon për disa centimetra jashtë pingules së portierit Kaciut të Gjilanit.

Futbollistët e Gjilanit tek në minutën e 70-të, nëpërmjet Emanuel Mbellës rrezikojnë portën e Arlind Gashit por gjuajtjen e tij e mbron portieri Gashi.

Pesë minuta më vonë rezervisti Altin Aliu gjuan furishëm nga 12 metra, por Gashi edhe njëherë shpëton portën e tij.

Goli i shumë pritur arrinë në minutën e 78-të, nga goditja e dënimit rreth 23 metra Armend Gashi me gjuajtje mjeshtërore e lenë të shtangur portierin e Vllaznisë, Arlind Gashin, duke i siguruar tri pikë tejet të vlefshme skuadrës së tij.

Trajneri Gjilanit, Arbnor Morina, pas ndeshjes ka deklaruar. “Futbollistët e mijë u angazhuan mjaft, e kemi ditur se do të jetë një ndeshje e vështirë por kemi arkëtuar tri pikë mjaft të rëndësishme”.

Trajneri i Vllaznisë, Agron Selmani, ka theksuar:”Një ndeshje e vështirë, diferenca në fushë e bëri të vetën patëm dy raste nuk shënuam, ne nuk do të dorëzohemi gjerë në fund do të japim gjithçka nga vetja së bashku për rezultate pozitive në ndeshjet e ardhshme”./rajonipress/