Armend Thaqi e konfirmon se klubi i madh nga Turqia ka interesim për të

Armend Thaqi mbrëmë e ka konfirmuar se skuadra turke Sivasspori është interesuar për të.

Mbrojtësi i Ballkanit tha se nuk ka ende ndonjë ofertë zyrtare, por që mbetet të shihet se çfarë do të ndodhë gjatë afatit kalimtar të janarit.

“Për momentin kam kontratë me Ballkanin deri në fund të sezonit. Tash është afati kalimtar dhe secili futbollist dëshiron të kalojë në një nivel më lartë. Normal që synim dhe qëllim i imi është të kalojë diku tjetër, mirëpo kam kontratë që duhet ta respektojmë dhe në bashkëpunim me klubin dhe ato klube që kanë shprehur interesim të ulemi të bisedojmë, dhe nëse arrihet një gjuhë e përbashkët normal që synim i imi është me kalu diku tjetër”, tha fillimisht ai në T7.

“Nuk ka ofertë zyrtare nuk ka ende, mirëpo ka interesim nga klubet e Turqisë. Interesim ka nga Sivasspori. Por, ofertë nuk ka ende. Ka vetëm bisedime”, deklaroi Thaqi.