Viti – Të enjtën rreth orës 13:25, policia e Kosovës, Njësia e Hetimeve në Viti përmes rrugëve operative kanë pasur informata se në shtëpinë e të dyshimtit banor i fshatit Beguncë ka armë. Është zbatuar një urdhër kontroll i dhënë nga Gjykatësi i procedurës paraprake, të Gjykatës themelore në Gjilan, departamenti për krime të rënda. Me qenë se i dyshuari A.I. është djali i zyrtarit policor, në kontroll ka marre pjesë edhe Inspektorati policor i Kosovës dhe hetues të njësive rajonale të Hetimeve.
Gjatë kontrollit të shtëpisë dhe objekteve përcjellëse të të dyshimtit A.I. (1986) nga fshati Begunceë komuna Viti, janë gjetur dhe konfiskuar armët e poshtëshënuara: dy armë automatike AK-47, katër armë pistoleta të llojeve të ndryshme, dhe një sasi e konsiderueshme e municionit të kalibrave të ndryshme, dhe disa gëzhoja të shkrepura në oborrin e shtëpisë së tij.
Lidhur me këtë rast është informuar prokurori i shtetit i cili ka urdhëruar që armët dhe municioni të konfiskohet, kurse ndaj të dyshimtit për posedim ilegal të armëve ilegale të iniciohet procedurë penale për “armë mbajtje pa leje” dhe “shkaktim i rrezikut të përgjithshëm”, i dyshuari A. I. Nuk është takuar pasi momentalisht gjendet në Zvicër ku punon dhe jeton njoftoi Ismet Hashani./rajonipress/
