Armando Sadiku drejt Spanjës

Armando Sadiku, i cili shënoi golin historik për Shqipërinë gjatë Euro 2016-s, i ka dhënë fund flirtit me klubet turke dhe duket se tashmë po e mendon seriozisht kalimin tek spanjollët e Levantes, raportojnë mediat spanjolle.
Armando Sadiku u transferua nga Zyrihu në merkaton verore te skuadra polake e Legia e Varshavës për 750.000 euro.

Por pavarësisht se e nisi si titullar Armando Sadiku nuk ka gjetur mjaftueshëm hapësira në klubin polak, në këtë fazë të parë, teksa ka luajtur thuajse gjithmonë si zëvendësues.

Nga sa raportohet në media 26-vjeçari shqiptar do të transferohet në La Liga kundrejt shumës së 1 milionë eurove. Megjithatë gjithçka mbetet për t’u mësuar në vijimësi, nëse do të ketë apo jo një marrëveshje pa u mbyllur merkatoja e dimrit.