Armando Broja mund të transferohet tek gjiganti italian

Victor Osimhen pritet të largohet nga Napoli në fund të këtij edicioni me shumë skuadra që kanë shprehur interesim për të.

E tash, skuadra napolitane po shikon opsionet për një zëvendësues të tij.

Alternativat janë të shumta, por te napolenatët vetëm një prej tyre do mbërrijë.

Sipas asaj që shkruajnë mediat, emri i parë në listën e Napolit është Santiago Tomas Gimenez, futbollisti i Feyenoord.

Meksikani me pasaportë italiane ka realizuar 21 gola këtë sezon dhe për afrimin e tij do të duhen të paktën 45 milionë euro.

PSG është në garë për Osimhen, por edhe Chelsea. Blutë e Londrës kanë në mendje një propozim që nuk pëlqehet shumë, para + Armando Broja.

Broja nuk shihet si sulmuesi i duhur që mund të bëjë diferencën te skuadra italiane, ndaj kalimi i yllit kuqezi te Napoli nuk po merret në konsideratë.